എന്താണ് രക്ഷ? എന്തില്നിന്നുമാണ് നമ്മള് രക്ഷ പ്രാപിക്കേണ്ടത്? യേശു ക്രിസ്തു എന്ന ഒരുവന്റെ മരണം സകല മാനവര്ക്കും രക്ഷയ്ക്ക് കാരണമാകുന്നത് എങ്ങനെ ആണ്? എങ്ങനെ നമ്മള്ക്കു രക്ഷിക്കപ്പെടുവാന് കഴിയും? ഈ ചോദ്യങ്ങളുടെ ഉത്തരമാണ് നമ്മള് ഈ വീഡിയോയില് ചര്ച്ച ചെയ്യുന്നത്.
സാധാരണ അര്ത്ഥത്തില്, രക്ഷ എന്നത് അപകടങ്ങളില് നിന്നും
കഷ്ടതകളില് നിന്നും രോഗങ്ങളില് നിന്നുമുള്ള വിടുതല് ആണ്. രക്ഷ എന്ന വാക്കിന്, ജയം, ആരോഗ്യം, സംരക്ഷണം എന്നീ
അര്ത്ഥങ്ങളും ഉണ്ട്.
വേദപുസ്തകത്തില്
രക്ഷ എന്ന വാക്ക്,
പാപത്തില് നിന്നുമുള്ള ആത്മീയ രക്ഷയെകുറിച്ചും, ഒപ്പം
ഭൌതീകമായ വിടുതലിനെ കുറിച്ചും പറയുവാന് ഉപയോഗിക്കുന്നുണ്ട്.
പഴയ നിയമത്തില് രക്ഷ എന്നു പറയുവാന് ഒന്നിലധികം എബ്രായ വാക്കുകള് ഉപയോഗിക്കുന്നുണ്ട്. എന്നാല് കൂടുതലായി കാണുന്ന എബ്രായ പദം, “യാസാ” (yasa) എന്ന വാക്ക് ആണ്. ഈ വാക്കിന്റെ അര്ത്ഥം രക്ഷിക്കുക, പ്രതിസന്ധികളില് സഹായിക്കുക, വിടുവിക്കുക, സ്വതന്ത്രമാക്കുക എന്നിവയാണ്.
